Attending Father Day organized by Philippine-Myanmar Christian Fellowship(PMCF)

Philippines-Myanmar Christian Fellowship အသင်းက ဖခင်များ နေ့ အခမ်းအနားကျင်းပခဲ့ခြင်း

၁။ (၂၃-၆-၂၀၁၉) ရက်မွန်းလွဲပိုင်းတွင် Philippine-Myanmar Christian Fellowship အသင်းက ဖခင်များနေ့အခမ်းအနားကို မနီလာမြို့ရှိ International Baptist Church of Manila ၌ ကျင်းပခဲ့ပါသည်။ မြန်မာသံအမတ်ကြီး၊ မြန်မာစစ်သံမှူးနှင့် မြန်မာသံရုံး၊ စစ်သံရုံးဝန်ထမ်းများ တက်ရောက်ခဲ့ကြပါသည်။

၂။ ဖခင်များနေ့အထိမ်းအမှတ် ဆုတောင်းအမှာစကားပြောကြားခြင်း၊ ဓမ္မ သီချင်းဖြင့် ဂုဏ်ပြုခြင်း၊ ဧည့်သည်များအား လက်ဆောင်ပေးအပ်ခြင်း၊ စုပေါင်း ဓာတ်ပုံရိုက်ကူးခြင်းများကို ပထမပိုင်းအစီအစဉ်အဖြစ် ပြုလုပ်ခဲ့ပါသည်။ ကျွေးမွေး ဧည့်ခံခြင်း ဒုတိယပိုင်းအစီအစဉ်တွင် မြန်မာသံအမတ်ကြီးက မြန်မာနိုင်ငံသား များအား မိမိတို့သံရုံး၏ဆောင်ရွက်ချက်များအား ပြောကြားအသိပေးခဲ့ပြီး၊ မြန်မာ သံရုံးများအနေဖြင့် နိုင်ငံတော်အစိုးရကချမှတ်ပေးသော လိုက်နာရန်ကျင့်ဝတ်များ၊ ရှောင်ရှားရန်အဂတိများအတိုင်း ကျင့်ကြံဆောင်ရွက်နေပြီး၊ ပြည်ပရောက်မြန်မာ နိုင်ငံသားများအနေဖြင့်လည်း ရောက်ရှိရာနိုင်ငံ၏ ဥပဒေ/မိမိတို့နိုင်ငံဥပဒေများ နှင့်အညီ လိုက်နာနေထိုင်ခြင်းဖြင့် မိမိတို့နိုင်ငံပုံရိပ်အတွက် ပံ့ပိုးကူညီပေးကြရန် ထည့်သွင်းပြောကြားခဲ့ပါသည်။