3rd JCBC Meeting held in Nay Pyi Taw & Official Visit of Foreign Secretary of Philippines to Myanmar

ဖိလစ်ပိုင်နိုင်ငံခြားဝန်ကြီး H.E. Theodoro L. Loscin, Jr. ၏ မြန်မာနိုင်ငံခရီးစဉ်နှင့် တတိယအကြိမ်မြောက် နှစ်နိုင်ငံပူးပေါင်း ဆောင်ရွက်မှုဆိုင်ရာ ပူးတွဲကော်မရှင် အစည်းဝေးကျင်းပခဲ့ခြင်း

၁။ ဖိလစ်ပိုင်နိုင်ငံခြားရေးဝန်ကြီးဌာန H.E. Theodoro L. Loscin, Jr. ဦးဆောင်သည့် ကိုယ်စားလှယ်အဖွဲ့သည် ၂၀၁၉ ခုနှစ်၊ မေလ (၂၀-၂၂) ရက်များ တွင် မြန်မာနိုင်ငံသို့ တရားဝင်ခရီးလာရောက်ခဲ့ပြီး၊ တတိယအကြိမ်မြောက် မြန်မာ-ဖိလစ်ပိုင် ပူးပေါင်းဆောင်ရွက်မှုဆိုင်ရာ ပူးတွဲကော်မရှင်အစည်းအဝေးကို ပြုလုပ် ခဲ့ပါသည်။

၂။ ပူးတွဲကော်မရှင် ဝန်ကြီးအဆင့်အစည်းအဝေးတွင် မြန်မာ-ဖိလစ်ပိုင် နှစ်နိုင်ငံ အကြားဆက်ဆံရေးနှင့် နယ်ပယ်ကဏ္ဍစုံပူးပေါင်းဆောင်ရွက်မှုမြှင့်တင်ရေး၊ ကုန်သွယ် မှုနှင့် ရင်းနှီးမြှပ်နှံမှုတိုးမြှင့်ရေးကိစ္စရပ်များကို ဆွေးနွေးခဲ့ကြပါသည်။ ဖိလစ်ပိုင်နိုင်ငံ ခြားရေးဝန်ကြီးသည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား (၂၂-၅-၂၀၁၉) ရက်တွင် ဂါရဝပြုတွေ့ဆုံခဲ့ပါသည်။

၃။ အဆိုပါခရီးစဉ်နှင့် ပူးတွဲကော်မရှင်အစည်းအဝေး နောက်ပိုင်းဆက်လက် ဆောင်ရွက်ချက် follow-up အဖြစ် မြန်မာသံအမတ်ကြီးသည် (၁၃-၆-၂၀၁၉) ရက်၌ ဖိလစ်ပိုင်နိုင်ငံခြားရေးဝန်ကြီးဌာန၊ အာရှနှင့်ပစိဖိတ်ရေးရာ လက်ထောက် ဝန်ကြီး Mr. Meynardo LB. Montealegre အား သွားရောက်တွေ့ဆုံခြင်း၊ (၁၈-၆-၂၀၁၉) ရက်တွင် အာဆီယံသံအမတ်ကြီးများ၏ နေ့လည်စာစားပွဲ၌ ယင်းခရီးစဉ်နှင့် အစည်း အဝေးတို့နှင့်ပတ်သက်၍ အကျဉ်းချုပ် ရှင်းလင်းပြောကြားခြင်းတို့ ပြုလုပ်ခဲ့ပါသည်။

၄။ မနီလာမြို့ အာဆီယံသံမတ်ကြီးများအဖွဲ့တွင် ဘရူးနိုင်းသံအမတ်ကြီးက ဥက္ကဌ နှင့် မြန်မာသံအမတ်ကြီးက ဒုတိယဥက္ကဌအဖြစ် ဆောင်ရွက်လျက်ရှိကြပါသည်။