72nd Anniversary of The Independence Day of The Republic of The Union of Myanmar

မြန်မာသံရုံး၊မနီလာ ၏ ၇၂နှစ် မြောက်လွတ်လပ်ရေးနေ့အခမ်းအနား ကို မနီလာ မြို့ Diamond Hotel တွင်သံအမတ်ကြီး ဦးလွင်ဦး၊ ဇနီးဒေါ်မြင့်သန္တာနှင့် သံရုံးမိသားစုများမှ ဧည့်ခံကျင်းပရာ ဖိလစ်ပိုင်နိုင်ငံ ကာကွယ်ရေးဝန်ကြီး H.E. Mr. Delfin N. Lorenzana၊ နိူင်ငံခြားရေး ဝန်ကြီးဌာန ဒုတိယဝန်ကြီး H.E. Mr. Enrique Manalo ၊ မနီလာအခြေစိုက် နိူင်ငံခြားသံရုံးများမှ သံအမတ်ကြီးများ၊ စစ်သံမှုးများ၊ဖိလစ်ပိုင်နိူင်ငံခြားရေးဝန်ကြီးဌာနနှင့် အခြားဝန်ကြီးဌာနမှတာဝန်ရှိသူများ၊မြန်မာ စစ်သံမှုးနှင့်မိသားစုဝင်များ၊ဖိလစ်ပိုင် တက္ကသိုလ်များတွင် ပညာသင်ကြားနေကြသော မြန်မာကျောင်းသား၊ ကျောင်းသူများ ၊ ဖိလစ်ပိုင်မြန်မာ ခရစ်ယာန်ဖောင်ဒေးရှင်းမှ အဖွဲ့ဝင်များ၊ ဖိလစ်ပိုင်နိုင်ငံတွင်နေထိုင်ကြသော မြန်မာလူမျိုးများ နှင့် ဖိတ်ကြားထားသူများ၂၀ဝ ဦးခန့် တက်ရောက်ကြသည်။

အခမ်းအနားတွင် အဓိကဧည့်သည်တော် ဖိလစ်ပိုင်နိုင်ငံခြားရေးဝန်ကြီးဌာန ဒုတိယဝန်ကြီး H.E. Mr. Enrique Manalo နှင့် သံအမတ်ကြီး ဦးလွင်ဦး တို့မှနှုတ်ခွန်းဆက် စကားပြောကြားကြသည်။

ထို့နောက် University of Philippine တွင်တက်ရောက်နေသောကျောင်းသားများနှင့် ဖိလစ်ပိုင်မြန်မာခရစ်ယာန်ဖောင်ဒေးရှင်းမှ အဖွဲ့များက မြန်မာ့အကများဖြင့်ကပြဖျော်ဖြေပြီး ညစာဖြင့်ဧည့်ခံရာ မြန်မာ အစားအသောက်များဖြင့်ပါ ဧည့်ခံခဲ့ကြသည်။

ဧည့်ခံခဲ့သော အကအဖွဲ့များအားသံအမတ်ကြီးနှင့်ဇနီးတို့မှ ဂုဏ်ပြုပန်းစည်းနှင့် ဆုငွေများချီးမြှင့်ခဲ့ကြသည်။